காசி புனித பாதயாத்திரை: 27.08.2014 காசி பாதயாத்திரை 94ஆம் நாள்

புதன், 26 ஆகஸ்ட், 2020

27.08.2014 காசி பாதயாத்திரை 94ஆம் நாள் - ஆவணி 11

காசி பாதயாத்திரை பயணக் கட்டுரை ......

வலையபட்டி சித்தர் காசிஸ்ரீ பச்சைக்காவடி அவர்களின் 11ஆம் ஆண்டு இராமேசுவரம் காசி பாதயாத்திரை. இராமேசுவரம் அருள்மிகு இராமநாதசுவாமியை வணங்கிக் கொண்டு 26.05.2014 அன்று காசி-பாதயாத்திரையைத் தொடங்கி, நேற்று நர்மதா தில்வாராகாட் வந்து சேர்ந்து தங்கி இருந்தோம்.

இன்று 94ஆம் நாள் - ஆவணி 11 (27.08.2014) புதன் கிழமை.

தினவழிபாட்டை முடித்துக் கொண்டு 2.15 க்கு நர்மதா தில்வாராகாட் என்ற இடத்தில் இருந்து யாத்திரயைத் தொடர்ந்தோம். அந்த அர்த்தசாமி நேரத்திலும் கோரக்பூர் அன்பர்கள் நேரில் வந்து யாத்திரிகர்களை வழி அனுப்பி வைத்தனர்.

ஜபல்பூர் பைபாஸ் வழியாக பனகர் என்ற ஊருக்கு 9.10 க்கு வந்து சேர்ந்தோம்.

2.13 am

மலை ஏற்ற இறக்கம் இல்லை , சமவெளி யாக உள்ளது.

6.17 am

வழியில் தேநீர் ,

6.40 am

6.54 am

7.10 am

7.37 am

7.47 am

7.56 am

பால்பண்ணை - பனகர் ஊருக்கு முன் 2 கி.மீ. தூரத்தில் இருந்த "கியூலாரி" என்ற ஊரில் எருமை மாட்டு பண்ணைகள் மிகவும் அதிகமாக இருந்தன.

ஒருசில பண்ணைகளில் 100க்கும் மேற்பட்ட எருமைமாடுகளைக் காண முடிந்தது.

7.57 am

8.05 am

8.29 am

வழியில் உள்ள அனுமன் கோயிலில் காலை உணவு. கோதுமை உப்புமாவில் எண்ணையை அதிகமாக ஊற்றிவிட்டார். எனவே யாத்திரிகர்கள் பலரும் குறைவாகவே சாப்பிட்டனர். குருசாமி பச்சைக்காவடி அவர்கள் தலைமைச் சமையல்காரை அழைத்துப் பேசினார். இந்த யாத்திரிரை சிறப்பாக நடைபெற வேண்டுமென்றால் அதற்குச் சாப்பாடு சரியாக இருக்க வேண்டும் என்று அறிவுரை வழங்கினார்.

8.38 am

8.42 am

பணகர் ( Panagar, पनागर) ஊரில் உள்ள குருசாமி பச்சைக்காவடி அவர்களின் அடியார் ஒருவர் ஊர் எல்லையில் வந்து நின்று யாத்திரிகர்களை வரவேற்று, அவரது வீட்டிற்கு அழைத்துச் சென்றார்.

8.56 am

9.10 am

ஜைனர்களின் புகழ்பெற்ற கோயிலான ஸ்ரீ 1008 நேமிநாத் திகம்பர் ஜெயின் கோயில் இந்த ஊரில் அமைந்துள்ளது. ( Shree 1008 Neminath Digamber Jain Mandir, Near Fuhara Chowk, Panagar, Jabalpur, Madhya Pradesh 483220) சாலையில் நடந்து செல்லும் போது, வணங்கிக் கொண்டு நடைப் பயணத்தைத் தொடர்ந்தோம்.

9.17 am

அடியாரின் இல்லத்தில் தங்கினோம்.

அவர் யாத்திரிகர்கள் தங்குவதற்குத் தேவையான அனைத்து ஏற்பாடுகளையும் நன்றாக செய்து கொடுத்தார்.

பணநகரில் நகரத்தார் வீடு - நாங்கள் தங்கியிருந்து வீடானது அப்படியே செட்டிநாடு வீடுகளை போன்றதொரு அமைப்பில் கட்டப்பட்டிருந்தது. வீட்டின் முன் மிகப் பெரிய திண்ணை, முகப்பு (வரவேற்பறை), வளவு ( புழங்கும் இடம் ), வளவு முற்றம் மற்றும் வீட்டின் அறைகளை கொண்டதாகும், சாப்பிடும் இடம், சமையலறை, கொள்ளை என அமைந்திருந்தது.

குருசாமியின் அடியார்கள் பலரும் வந்திருந்து ஆசிபெற்றனர்.