காசி பாதயாத்திரை பயணக் கட்டுரை ......
வலையபட்டி சித்தர் காசிஸ்ரீ பச்சைக்காவடி அவர்களின் 11ஆம் ஆண்டு இராமேசுவரம் காசி பாதயாத்திரை. இராமேசுவரம் அருள்மிகு இராமநாதசுவாமியை வணங்கிக் கொண்டு 26.05.2014 அன்று காசி-பாதயாத்திரையைத் தொடங்கி, நேற்று 30.08.2014 டியோரி என்ற ஊருக்கு வந்து சேர்ந்து தங்கியிருந்தோம்.
இன்று 98 ஆம் நாள் - 31.08.2014 ஆவணி 15
தினவழிபாட்டை முடித்துக் கொண்டு 3.15 க்கு டியோரி (Teori) என்ற ஊரில் இருந்துயாத்திரயை தொடர்ந்தோம். பெப்ரான் என்ற ஊர் வழியாக 7.30 க்கு கட்னி என்ற ஊர் வந்து சேர்ந்தோம்.
காலை 6.50 க்கு வெயில் கடுமை. வறட்சியான வானிலை.
தேநீர் முடிந்து செல்லும் போது பெரிய மாமரம் ஒன்றில் செம்பூத்து பறவையின் குரல் கேட்டு வணங்கிக் கொண்டார். ஆனால் பறவையைப் பார்க்க இயலவில்லை.
இந்தப் பறவையைப் பார்ப்பதும் இதன் குரலைக் கேட்பதும் நல்ல சகுனம் என்று கூறினார்.
சாலையோரம் சிறிது நேரம் நின்று, பெரிதும் முயன்று அந்தப் பறவையைத் தேடிப் பார்த்தார். ஆனால் அந்தப் பறவையைப் பார்க்க இயலவில்லை.
குருஜி கைது கூப்பி வேண்டிக் கொண்டு நடக்கத் துவங்கினார்.
அந்நேரத்தில் செம்பூத்து பறவை அடர்த்தியான அந்த மாமரத்திலிருந்து குருஜி யின் தலைக்கு மேலே பறந்து சென்றது. குருஜி அதைக் கண்டு பெரிதும் மகிழ்ந்து மீண்டும் வணங்கிக் கொண்டார்.
அன்பரின் திருமண மண்டபத்தை யாத்திரிகர் அடைந்தவுடன் மலர் மாலை அணிவித்து மரியாதை செய்து வரவேற்றார்.
காலை உணவு.
தங்கல்.
ஓய்வு.
இன்றைய பயண தூரம் சுமார் 18 கி.மீ.
https://goo.gl/maps/RQijwB4ujmmmxbGd6
இங்கிருந்து காசி 371 கி.மீ. தூரத்தில் உள்ளது.
நாளை ஓய்வு.
குருசாமி காசிஸ்ரீ பச்சைக்காவடி அவர்களது குருவருளும், அருள்மிகு காசிவிசுவநாதர் திருவருளும் நம் அனைவருக்கும் ஆகுக.
அன்பன்
காசிஸ்ரீ, முனைவர், நா.ரா.கி. காளைராசன்
கருத்துகள் இல்லை:
கருத்துரையிடுக