24.08.2014 காசி பாதயாத்திரை - 91ஆம் நாள், ஆவணி 8

காசி பாதயாத்திரை பயணக் கட்டுரை ......

வலையபட்டி சித்தர் காசிஸ்ரீ பச்சைக்காவடி அவர்களின் 11ஆம் ஆண்டு இராமேசுவரம் காசி பாதயாத்திரை.    இராமேசுவரம் அருள்மிகு இராமநாதசுவாமியை வணங்கிக் கொண்டு 26.05.2014 அன்று காசி-பாதயாத்திரையைத் தொடங்கி,  நேற்று மதை என்ற  ஊர் வந்து சேர்ந்து தங்கி இருந்தோம்.  

இன்று 91ஆம் நாள் - ஆவணி 8 (24.08.2014) ஞாயிற்றுக் கிழமை.

தினவழிபாட்டை முடித்துக் கொண்டு 3.30க்கு மதை  என்ற ஊரில் உள்ள பள்ளியில்இருந்து யாத்திரயை தொடர்ந்தோம்.  சாமரூர் (Sammarur) என்ற ஊர் வரும் போது விடிந்து விட்டது. ஆயிரக்கணக்கான காகங்கள் ஒன்றாக பறப்பதைப் பார்க்க முடிந்தது.

7.01 am

சுற்றிலும் மலைத்தொடர்கள் நிறைந்து காணப்பட்டன. பாதை ஏற்றமும் இறக்கமுமாகவே இருந்தது.   13 கி.மீ. பயணத்திற்கு பின்னர் ஒரு மலை ஏற்றத்தின் உச்சியில் உள்ள அனுமன் கோயிலில் தேநீர். அந்த இடத்தை தாண்டியதும் பெரும் பள்ளத்தாக்குகளும், சிறு ஓடைகளும் தென்பட்டன.   அங்கிருந்த கிராமத்தில் காலை உணவு.

7.12 am

7.12 am

7.16 am

7.20 am

7.24 am

7.25 am

7.45 am

8.00 am
குருசாமி பச்சைக்காவடி அவர்களின் அடியார் ஒருவர் யாத்திரிகர்கள் நடந்து வந்து கொண்டிருப்பதை அறிந்து அவரது மோட்டார்பைக்கில் குருசாமியைக் காண வந்தார்.

துமா (Dhuma धूमा ) என்ற ஊரின் புறவழிச்சாலை ஆரம்பமாகும் இடத்தில் உள்ள “சாய் தாபா”வில் யாத்திரிகர்கள் தங்குவதற்கு ஏற்பாடு செய்துள்ளதாகவும்,  அங்கே அனைவரும் வந்து தங்க வேண்டும் எனக் கேட்டுக் கொண்டார். 

வந்திருந்த அடியாருடன் யாத்திரிகர் அனைவரும் சாலையோரம் இருந்த பள்ளிக்கூட வாயிலில் அமர்ந்து காலை உணவு சாப்பிட்டோம்.  அதன்பிறகு குருசாமி அந்த அடியவரை ஆசீர்வதித்து அனுப்பி வைத்தார்.

8.50 am

10.00 am

10.15 மணிக்கு  என்ற துமா (Dhuma धूमा ) ஊரின் புறவழிச்சாலை ஆரம்பமாகும் இடத்தில் “சாய் பெட்ரோல் பங்க்” அருகில் உள்ள “சாய் தாபா” வந்து சேர்ந்தோம்.  ஒரு யாத்திரிகர் மட்டும் சற்று சேர்வடைந்து, ஸ்ரீ துல்கதேவ் ஜி மகராஜ் சந்நிதியில் (Shri Dulhadev Ji Maharaj, श्री दूल्हादेव जी महाराज) சிறிது நேரம் தங்கி இளைப்பாறிவிட்டுக், கால தாமதமாக வந்து சேர்ந்தார்.

10.15 am

குருசாமி பச்சைக்காவடியின் அடியார் சாய் தாபாவில் யாத்திரிகர்கள் தங்குவதற்கான அனைத்து வசதிகளையும் செய்து கொடுத்தார்.  நீண்ட தூரம் நடந்து வந்த களைப்பினால் யாத்திரிகர் பலரும் அயர்ந்து படுத்துவிட்டதைக் கண்ட அவர் விரைந்து  சென்று அனைவருக்கும் "குளோப்ஜாம்" வாங்கி வழங்கினார்.

 

10.16 am

காலிஃபிளவர் சூப் வழங்கப் பட்டது.

ஓய்வு.

மதிய உணவு.

தங்கல்.

மாலை நேரத்திற்குப் பிறகு மின்விளக்கு வெளிச்சத்திற்கு ஏராளமான சிறுசிறு கருப்பு வண்டுகள் ஆயிரக்கணகிக்கில் பறந்து வந்து தாபா எங்கும் பரந்து கிடந்தன.  இரவு உணவிற்கு முன் அந்த வண்டுகளை எல்லாம் கூட்டி அள்ளினார்கள்.  அதன்பின்னரே யாத்திரிகர்கள் படுத்துத் தூங்கினோம்.

இரவு முழுவதும் கடை (தாபா) திறந்து இருந்தது.  பயணிகள் பலர் வந்து உணவு சாப்பிட்டுச் சென்றனர்.  

https://goo.gl/maps/NKVvmztqyhP8DGPcA

இன்றைய பயண தூரம் சுமார் 29 கி.மீ.

காசி இன்னும் 520 கி.மீ. உள்ளது.

குருசாமி காசிஸ்ரீ பச்சைக்காவடி அவர்களது குருவருளும், அருள்மிகு காசிவிசுவநாதர் திருவருளும் நம் அனைவருக்கும் ஆகுக.

அன்பன்

காசிஸ்ரீ, முனைவர், நா.ரா.கி. காளைராசன்