12.08.2014 காசி பாதயாத்திரை 79ஆம் நாள் - ஆடி 27

காசி பாதயாத்திரை பயணக் கட்டுரை ......

வலையபட்டி சித்தர் காசிஸ்ரீ பச்சைக்காவடி அவர்களின் 11ஆம் ஆண்டு இராமேசுவரம் காசி பாதயாத்திரை.    இராமேசுவரம் அருள்மிகு இராமநாதசுவாமியை வணங்கிக் கொண்டு 26.05.2014 அன்று காசி-பாதயாத்திரையைத் தொடங்கி,  நேற்று “கொறை” என்ற ஊரில் உள்ள “ஜகன்கபரி மாதா” கோயிலுக்கு வந்து சேர்ந்து இருந்தோம்.  

இன்று 79ஆம் நாள் - ஆடி 27 (12.08.2014) செவ்வாய்க் கிழமை.  தினவழிபாட்டை முடித்துக் கொண்டு அதிகாலை 3.10 மணிக்கு “கொறை” என்ற ஊரில்  இருந்து யாத்திரையை தொடர்ந்தோம்.  

4.25 am

6.08 am

6.08 am

பம்கனி (Bamhani) என்ற ஊரின் அருகே இரயில்வே மேம்பாலம் அருகே இருந்த காட்டில் அதிகாலையில் ஆயிரக்கணக்கான பச்சைக்கிளிகள்  கூட்டம் கூட்டமாக பறந்து சென்றன. காணக் கண்கோடி வேண்டும்.  குருசாமி பச்சைக்காவடி அவர்கள் அருள்மிகு அன்னை மதுரை மீனாட்சியை நினைந்து வணங்கிக் கொண்டார்.

6.12 am

6.21 am

6.39 am

பொர்கடி சுங்கச்சாவடி (Borkhedi Toll Plaza) அருகே சாலையோரம் அமர்ந்து ஓய்வு. 

யாத்திரிகர் பலரும் தாகத்தினாலும் பசியினாலும் அயர்ந்து போய் இருந்தனர்.

அன்னதான வண்டி வருவதற்குக் காலதாமதம்  ஆனது.   குருசாமி பச்சைக்காவடி அவர்கள் வழிகாட்டுதலின்படி  தொடர்ந்து நடக்கத் தொடங்கினர்.  மதுரை காசிஸ்ரீ  கந்தசாமி அவர்கள் கால்வலிக்குத் தொடர்ந்து மருந்து போட்டுக்கொண்டே யாத்திரையைத் தொடர்ந்தார்.

6.51 am

6.54 am

7.13 am

7.20 am

வழியில் ஜன்கேஸ்வர் (Jangeshwar) என்ற ஊரின் அருகே 7.30 மணிக்கு தேநீரும் ரொட்டியும் சாப்பிட்டுக் கொண்டு யாத்திரையைத் தொடர்ந்தோம்.

9.36 am

காலை 9.30 மணிக்கு  புட்டிபூரி என்ற ஊர் வந்து சேர்ந்தோம்.  குருசாமியின்  அடியார் ஒருவர்  தங்குவதற்கான ஏற்பாடுகளைச் செய்திருந்தார்.

காலை  உணவு.

https://goo.gl/maps/CrLVptWvxQEJUAZP7

இன்றைய பயணதூரம் சுமார் 25 கி.மீ.

குருசாமி காசிஸ்ரீ பச்சைக்காவடி அவர்களது குருவருளும், அருள்மிகு காசிவிசுவநாதர் திருவருளும் நம் அனைவருக்கும் ஆகுக.

அன்பன்

காசிஸ்ரீ, முனைவர், நா.ரா.கி. காளைராசன்