09.08.2014 காசி பாதயாத்திரை - 76ஆம் நாள் - ஆடி 24

காசி பாதயாத்திரை பயணக் கட்டுரை ......

வலையபட்டி சித்தர் காசிஸ்ரீ பச்சைக்காவடி அவர்களின் 11ஆம் ஆண்டு இராமேசுவரம் காசி பாதயாத்திரை.  

இராமேசுவரம் அருள்மிகு இராமநாதசுவாமியை வணங்கிக் கொண்டு 26.05.2014 அன்று காசி-பாதயாத்திரையைத் தொடங்கி,  நேற்று கீளாப்பூர் என்ற ஊரில் உள்ள செகதாம்பாள் கோயிலுக்கு வந்து சேர்ந்து தங்கி இருந்தோம்.  நேற்று முழுவதும் மழை இல்லை , நல்ல வெயில்.

இன்று 76ஆம் நாள் - ஆடி 24 (09.08.2014) சனிக் கிழமை. 

இன்றுதினவழிபாட்டை முடித்துக் கொண்டு கீளாப்பூர் செகதாம்பாள் கோயிலில் இருந்து அதிகாலை 2.30 மணிக்கு யாத்திரையை தொடர்ந்தோம்.

3.32 am

6.56 am

வழியில் மழை தூர ஆரம்பித்து.  காலை 6.00 மணிவரை மழை தூரிக்கொண்டே இருந்தது.  குடை எடுத்துக் கொள்ளாத காரணத்தால் யாத்திரிகர் அனைவரும் மழையில் நனைந்தபடியே நடந்தோம்.

6.57 am

வழியில் காலை 7.00 மணிக்கு சாலையோரம் அமர்ந்து ரொட்டியும் தேநீர் சாப்பிட்டுக் கொண்டு நடையைத் தொடர்ந்தோம்.

7.21 am

நான்குவழிச் சாலை பணிகள் பாதி நடைபெற்றும் நடைபெறாமலும் இருந்தன.  இதனால் சாலையானது சிறிது தூரம் நன்றாகவும், சிறிது தூரம் மிகவும் மோசமாகவும் என மாறிமாறி இருந்தது.   சாலையில் நடப்பது சிரமமாகவும் பாதுகாப்பு அற்றதாகவும் இருந்தது.  

ஆனால் தமிழ்நாடு போன்று இங்கு அதிகமான எண்ணிக்கையில் இந்த மாநிலத்தைத் சேர்ந்த  வாகனங்களைச் சாலைகளில் காண இயலவில்லை.  பயணிகள் போக்குவரத்து வாகனங்களையும் காண இயலவில்லை.  வாகனங்கள் மிகவும் குறைவான எண்ணிக்கையில் ஓடியதால் குறுகலான சாலை அமைந்துள்ள இடங்களிலும் நாங்கள் மட்டுமே நடந்து சென்றோம்.

7.32 am

7.45 am
கரன்ஜி என்ற ஊரின் வழியாகச் செல்லும் போது மேம்பாலம் வழியாகக் கடந்து சென்றோம்.   மேம்பாலத்தைக் கடந்தவுடன்  சாலையோரம் அமர்ந்து சிறிது நேரம் ஓய்வு.

7.56 am

யாத்திரிகர்களில் மிகவும் மூத்தவரான காசிஸ்ரீ கந்தசாமி அவர்களுக்குக் கால்வலி உண்டானது.  அதற்காக “ஜெல்” மருந்தை எடுத்துக் கொடுத்தவுடன் காலில் தடவிக் கொண்டார்.   யாத்திரிகர் அனைவருக்கும் தேவையான ஜெல் மருந்து இருப்பில் உள்ள என்றும்,  யாருக்குத் தேவைப்பட்டாலும் வாங்கிக் போட்டுக் கொள்ளுமாறும் யாத்திரிகர்களிடம் குருசாமி பச்சைக்காவடி அவர்கள் தெரிவித்தார். 

7.56 am

8.19 

சிறிது நேரத்தில் கரன்ஜியில் வசிக்கும் குருசாமிபச்சைக்காவடி அவர்களின் அன்பர் இருவர் வந்து குருசாமியைச் சந்தித்து ஆசி பெற்றனர்.  யாத்திரிகர்களை அருகில் உள்ள அரசு விருந்தினர் விடுதிக்கு அழைத்துச் சென்று தங்க வைத்தனர்.

காலை 8.10 மணிக்கு விருந்தினர் விடுதியில்  அமர்ந்து காலை உணவு.
சிறிது நேரம் ஓய்வு.

11.37 am

11.30 மணி அளவில் அங்கிருந்து பாதயாத்திரையைத் தொடர்ந்தோம்.

01.05 pm

வழியில் மதிய உணவு.

01.33 pm

தேசிய நெடுஞ்சாலையை அகலப்படுத்தி நான்குவழிச் சாலையாக மாற்றும் போது மலைகளை வெட்டி எடுத்துள்ளனர்.  NH 44 (20.187873N, 78.667909E)  இந்த இடத்தில் கடினமான பாறைகளுக்குக் கீழும் மேலும் மண் படிந்து இருப்பதை  நன்கு காண முடிந்தது. பிரளயகாலத்தில்  இதுபோன்ற புவியமைப்பு உருவாகி இருக்கலாம்.

01.34 pm

01.51 pm

01.52 pm

02.47 pm

04.11 pm

வாட்கியில் ஸ்ரீ ராமர் கோயில் -
வாட்கி என்ற ஊர் சுமார் 4 கி.மீ தொலைவில் இருக்கும்போது, மாலை 4.00 மணிக்கு சாலையோரம் உள்ள ராமர் மற்றும் ஆஞ்சநேயர் கோயிலுக்கு வந்து சேர்ந்தோம்.  கோயில் கட்டுமான பணிகள் நடைபெற்றுக் கொண்டிருந்தன.   கட்டிடப் பணியை மேற்பார்த்துக் கொள்பவர் தங்குவதற்கென ஒரு  அறை மட்டுமே இருந்தது.  அதில் யாத்திரிகர்கள் அனைவரும் தங்கிக் கொண்டோம். 

06.07 pm
மிகவும் பழமையான ஆஞ்சநேயர் சிற்பம் ஒன்று வழிபாட்டில் இருந்தது.  வாட்கி ஸ்ரீராமர் கோயில் இருப்பிடம் - https://goo.gl/maps/N71cDMD5kLeMDbZo6

இரவு உணவு.
இரவில் மின்சாரமும் நின்றுவிட்டது.  அதிகதொலைவு நடந்து வந்த காரணத்தினால் அனைவரும் அயர்ந்து தூங்கிவிட்டோம்.  

https://goo.gl/maps/Z3ndpccYmQZVGcKH7

இன்றைய பயணதூரம் சுமார் 37 கி.மீ.

குருசாமி காசிஸ்ரீ பச்சைக்காவடி அவர்களது குருவருளும், அருள்மிகு காசிவிசுவநாதர் திருவருளும் நம் அனைவருக்கும் ஆகுக.

அன்பன்

காசிஸ்ரீ, முனைவர், நா.ரா.கி. காளைராசன்